Idzie padrychtoŭka da kapramontu mosta pamiž Maskoŭskaj i Čkałava ŭ Minsku. Kali pačnucca raboty
Da hetych pracaŭ prystupili ŭ kancy maja, zaraz viaducca raboty pa padrychtoŭcy časovych abjaznych šlachoŭ dla transpartu na pieryjad ramontu, pra heta raspavioŭ dyrektar «Hardarbuda» Siarhiej Panieŭ.
27.06.2023 / 07:40
Ilustracyjnaje fota Minsk-naviny
— Da asnoŭnaha etapu kapramontu prystupim paśla 3 lipienia, pačniom z demantažnych rabot. Užo 4 lipienia płanujem źmianić schiemu ruchu transpartu na hetym učastku vulična-darožnaj sietki, — skazaŭ S.Panieŭ.
Jon udakładniŭ, što narmatyŭny termin budaŭnictva hetaha abjekta składaje bolš za 16 miesiacaŭ, adnak zakazčyk i padradčyki naceleny na toje, kab spravicca jak maha chutčej.
Pakolki mastavoje zbudavańnie prachodzić nad čyhunačnymi šlachami, treba budzie ŭviazvać hrafiki vytvorčaści rabot z hrafikami ruchu sastavaŭ.
Taksama ŭ hetym hodzie pačałosia prajektavańnie kapitalnaha ramontu z madernizacyjaj puciepravoda nad čyhunkaj da vulicy Brest-Litoŭskaj. Tut da ramontu prystupiać paśla zakančeńnia rabot na puciepravodzie na Čkałava.