Парада на 3 Ліпеня зноў не будзе
27.06.2023 / 9:11
Афіцыйны Дзень Незалежнасці 3 Ліпеня, як і два папярэднія гады, пройдзе без вайсковага парада — было вырашана праводзіць гэтае мерапрыемства толькі ў круглыя даты. Аднак у гарадах, у тым ліку і ў сталіцы, будуць разгорнутыя лакацыі, дзе жыхары і госці змогуць знайсці сабе занятак па інтарэсах, як піша «Спутнік».
Наталля Качанава, Раман Галоўчанка, Аляксандр Лукашэнка і Аляксандр Саладуха. 3 ліпеня 2020 года. Да пратэстаў заставалася пяць тыдняў. Скрыншот відэа БТ
Святочны феерверк у Дзень незалежнасці запусцяць у шасці пунктах Мінска, як паведамілі ў тэлеграм-канале Мінгарвыканкама.
Лукашэнка з сынамі, Галоўчанкам, Качанавай і Сергеенкам. 3 ліпеня 2020 года. Скрыншот відэа БТ
Паглядзець на піратэхнічную пастаноўку можна будзе ўвечары 3 ліпеня ў 23:00. Феерверкі запусцяць у наступных месцах:
- над музейна-паркавым комплексам «Перамога»,
- над паркам імя М. Паўлава,
- над набярэжнай парку «Дразды»,
- над набярэжнай парку Уга Чавеса,
- над пляцоўкай ля «Чыжоўка-Арэны»,
- над пляцоўкай ля Нацыянальнай бібліятэкі.