У скверы Вольнай Беларусі ў Беластоку з'явілася шыльда ФОТА
У Беластоку ля беларускага консульства з’явілася шыльда з назвай «Сквер Вольнай Беларусі», заўважыла выданне Most.
27.06.2023 / 20:01
Фота: Wyborcza
Гісторыя з перайменаваннем цягнулася амаль цэлы год: спачатку планавалася перайменаваць частку вуліцы Электрычнай, але пасля пратэстаў мясцовых жыхароў спыніліся толькі на тэрыторыі ля консульства.
Сімвалічны жэст ад гарадскіх улад Беластока з перайменаваннем часткі вуліцы, дзе знаходзіцца беларускае консульства, увасобіўся ў шыльду з новай назвай. Цяпер беларускае консульства афіцыйна знаходзіцца ў скверы Вольнай Беларусі.
Сквер Вольнай Беларусі — самы маленькі ў Беластоку. Ён займае плошчу ў дзясятак метраў перад беларускім консульствам.
Тут, перад беларускім консульствам, кожныя выхадныя збіраюцца беларусы, якія пратэстуюць супраць рэжыму Лукашэнкі і падтрымліваюць Украіну ў поўнамаштабнай вайне, што развязала Расія.
Чытайце таксама:
Сквер Свабоднай Беларусі з’явіўся ў Беластоку
Беластоцкія дэпутаты аднагалосна прагаласавалі за сквер Вольнай Беларусі
«Зробім не вуліцу, а плошчу Вольнай Беларусі, і да нас ніхто не прычэпіцца» — мэр Беластока