U skviery Volnaj Biełarusi ŭ Biełastoku źjaviłasia šylda FOTA
U Biełastoku la biełaruskaha konsulstva źjaviłasia šylda z nazvaj «Skvier Volnaj Biełarusi», jak zaŭvažyła vydańnie Most.
27.06.2023 / 20:01
Fota: Wyborcza
Historyja ź pierajmienavańniem ciahnułasia amal ceły hod: spačatku płanavałasia pierajmienavać častku vulicy Elektryčnaj, ale paśla pratestaŭ miascovych žycharoŭ spynilisia tolki na terytoryi la konsulstva.
Simvaličny žest ad haradskich uład Biełastoka ź pierajmienavańniem častki vulicy, dzie znachodzicca biełaruskaje konsulstva, uvasobiŭsia ŭ šyldu z novaj nazvaj. Ciapier biełaruskaje konsulstva aficyjna znachodzicca ŭ skviery Volnaj Biełarusi.
Skvier Volnaj Biełarusi — samy maleńki ŭ Biełastoku. Jon zajmaje płošču ŭ dziasiatak mietraŭ pierad biełaruskim konsulstvam.
Tut, pierad biełaruskim konsulstvam, kožnyja vychadnyja źbirajucca biełarusy, jakija pratestujuć suprać režymu Łukašenki i padtrymlivajuć Ukrainu ŭ poŭnamaštabnaj vajnie, što raźviazała Rasija.
Čytajcie taksama:
Skvier Svabodnaj Biełarusi źjaviŭsia ŭ Biełastoku
Biełastockija deputaty adnahałosna prahałasavali za skvier Volnaj Biełarusi
«Zrobim nie vulicu, a płošču Volnaj Biełarusi, i da nas nichto nie pryčepicca» — mer Biełastoka