«Не бачым прычын не падтрымаць». Кітай не супраць вяртання Украіне ўсіх яе тэрыторый, уключаючы Крым
Пра гэта заявіў пасол КНР у Еўропе, адказваючы на пытанне агенцтва Al Jazeera.
28.06.2023 / 09:06
Фота: Getty Images
Афіцыйны прадстаўнік Кітая ў Еўропе Фу Цун заявіў, што яго краіна можа падтрымаць Украіну ў яе імкненні вярнуць усе акупаваныя тэрыторыі і стаць цэласнай згодна з межамі, устаноўленымі ў 1991 года. Яго словы 27 чэрвеня перадае агенцтва Al Jazeera.
Адказваючы на пытанне агенцтва аб падтрымцы намаганняў Украіны па вяртанні ўсіх сваіх акупаваных Расіяй тэрыторый, у тым ліку Крыма, кітайскі пасол сказаў: «Не бачым прычын не падтрымаць».
«Чаму б і не? Кітай паважае тэрытарыяльную цэласнасць усіх краін, уключаючы постсавецкія дзяржавы. Мы выступаем за вырашэнне гістарычных праблем паміж Украінай і Расіяй», — заявіў кітайскі пасол у ЕС Фу Цун.
Нагадаем, што яшчэ ў красавіку адзін з прадстаўнікоў Кітая ў Еўропе, наадварот, паставіў пад сумнеў легітымнасць існавання постсавецкіх краін, у тым ліку Беларусі, а таксама адзначыў, што «Крым належыць Расіі». Пасля гэтых заяў адбыўся вялікі скандал і таго кітайскага пасла вымушана адклікалі з Еўропы дадому.
Чытайце таксама:
Кітай паабяцаў ЗША не даваць зброі Расіі — CNN
Байдэн назваў Сі Цзіньпіна дыктатарам праз дзень пасля візіту дзяржсакратара ў Пекін
Кітай абвяргае інфармацыю аб пастаўках сваіх узбраенняў Рамзану Кадыраву