Na minskaj vulicy Charkaŭskaj znosiać budynak byłoha kinateatra «Sučaśnik»
U Minsku pačaŭsia znos budynka byłoha kinateatra «Sučaśnik» na vulicy Charkaŭskaj, jak paviedamlajuć «Minsk-Naviny».
27.06.2023 / 22:23
Kinateatr «Sučaśnik» z-za niezapatrabavanaści spyniŭ svaju pracu jašče ŭ 2002 hodzie. Byli prapanovy pierarabić jaho ŭ pałac kultury, jašče paźniej — adkryć usiaredzinie zabaŭlalny kompleks sa spartyŭnym kłubam, kinazałaj i haścinicaj.
Adnak prajekt tak i nie ŭvasobili ŭ žyćcio — praz paru hadoŭ budoŭla prypyniłasia, a ŭ 2016 hodzie i zusim była zakansiervavanaja. Z tych časoŭ razburany budynak staŭ prytułkam dla miascovych biazdomnych i tvorčaj placoŭkaj dla hraficistaŭ-amataraŭ.
Ciapier budynak aktyŭna demantujuć, a terytoryju, dzie raźmiaščaŭsia kinateatr, ačyściać i pieratvorać u praciah Tučynskaha skviera.
Raboty płanujuć zaviaršyć da kanca nastupnaha miesiaca.
Čytajcie taksama:
U Minsku znosiać pratestanckuju carkvu «Novaje žyćcio»
U Mazyry znoŭ zajavili pra budaŭnictva ladovaj areny. Jaje abiacajuć až z 2009 hoda