Vahnieraŭcy ŭsio jašče znachodziacca va Ukrainie — Pientahon
Pres-sakratar Pientahona admoviŭsia rabić prahnozy nakont ich budučyni.
28.06.2023 / 06:36
Ilustracyjnaje fota: AP Photo
Vojski najomnikaŭ PVK «Vahnier» usio jašče znachodziacca na terytoryi Ukrainy. Pra heta zajaviŭ pres-sakratar Pientahona Patryk Rajder, jak piša CNN.
«Ale z punktu hledžańnia ich kankretnaj dysłakacyi i taho, ci mohuć jany pieradysłakavacca, ja nie źbirajusia śpiekulavać na hetaj infarmacyi», — dadaŭ jon.
Rajder paviedamiŭ, što ZŠA nie ŭnosili nijakich źmien u raźmiaščeńnie amierykanskich vojskaŭ praz subotnija padziei ŭ Rasii.
«My nie bačyli ničoha, što, z našaha punktu hledžańnia, patrabavała b ad nas jakich-niebudź vymušanych karekcirovak», — skazaŭ čynoŭnik.
Nahadajem, što ŭ subotu ŭviečary paśla pieramoŭ, jakija stali nastupstvam miaciažu Jaŭhiena Pryhožyna, stała viadoma, što jon moža vyvieści svaje vojski ŭ Biełaruś. Prynamsi, u aŭtorak jon sam prylacieŭ u Biełaruś.
Uładzimir Pucin učora paviedamiŭ, što vahnieraŭcy zmohuć padpisać kantrakt ź Minabarony RF, zvolnicca abo «adyści ŭ Biełaruś».
Čytajcie taksama:
NATO hatova abaraniacca ad Rasii i Biełarusi — Stołtenbierh
Prezident Polščy nazvaŭ pierajezd «vahnieraŭcaŭ» u Biełaruś «niehatyŭnymi sihnałami»