Polskaja armija atrymała pieršyja tanki Abrams i raźmieścić ich kala miažy ź Biełaruśsiu
U Polšču dastaŭleny pieršyja amierykanskija tanki M1A1 Abrams. Cyrymonija pieradačy 14-ci bajavych mašyn adbyłasia ŭ Ščecinie na poŭnačy Polščy, u joj uziaŭ udzieł ministr abarony krainy Marjuš Błaščak.
28.06.2023 / 15:48
Fota: Ministerstva abarony Polščy
Błaščak zajaviŭ, što sioleta Polšča atrymaje jašče dźvie roty tankaŭ, a ŭ nastupnym hodzie — ceły bataljon takich bajavych mašyn.
Tanki pastaŭlajucca ŭ ramkach damovy, padpisanaj u studzieni hetaha hoda. Usiaho jana tyčycca pastaŭki ŭžo ŭžyvanych 116 tankaŭ M1A1 Abrams razam z mašynami techničnaha zabieśpiačeńnia, kamandnymi mašynami i transparciorami.
Tanki pastupiać na ŭzbrajeńnie 18-j miechanizavanaj dyvizii sa štab-kvateraj u Siedlcach niedaloka la miažy ź Biełaruśsiu.
Taksama Polšča čakaje pastaŭki z ZŠA 250 tankaŭ Abrams najnoŭšaj viersii M1A2 SEP v. 3.
Čytajcie taksama:
U Kijeŭ ź nieabvieščanym vizitam pryjechaŭ prezident Polščy
NATO hatova abaraniacca ad Rasii i Biełarusi — Stołtenbierh
Ukrainskija vajskoŭcy pačali navučańnie ŭ Niamieččynie na tankach Abrams — Pientahon