U Biełarusi zabłakavali dostup da niekalkich ukrainskich sajtaŭ navin
U Biełarusi zabłakavali piać ukrainskich sajtaŭ navin. Jak paviedamlaje pres-słužba Hienprakuratury, adpaviednaje rašeńnie pryniaŭ prakuror Viciebskaj vobłaści. Pad błakiroŭku patrapili vydańni glavred.info, spektr.priess, hromadske.ua, news.online.ua, tribuna.com.ua.
28.06.2023 / 19:42
Spałochała siłavikoŭ aśviatleńnie ŭkrainskimi resursami apošnich padziej u Rasii, źviazanych ź miaciažom Jaŭhiena Pryhožyna.
Śćviardžajecca, što nibyta na hetych sajtach «raźmiaščałasia infarmacyja ekstremisckaha charaktaru, jakaja prymušaje hramadzian da supraćdziejańnia dziaržaŭnaj uładzie Respubliki Biełaruś u suviazi ź situacyjaj adnosna PVK «Vahnier».
Taksama prakuratura nazvała i bolš tradycyjnuju dla błakiroŭki resursaŭ pryčynu: nibyta na ŭkrainskich sajtach «paviedamlalisia niedakładnyja źviestki, jakija dyskredytujuć prezidenta Respubliki Biełaruś».
Čytajcie taksama:
Dla Eduarda Babaryki prakuror zaprasiŭ 10 hadoŭ kałonii
U Hrodnie zatrymali spartyŭnaha dyrektara futbolnaha «Niomana»
Palitźniavolenaha advakata Vitala Brahinca pieraviali ŭ škłoŭskuju kałoniju