Handlovyja sietki praciahnuli sacyjalnyja źnižki dla častki nasielnictva
Ministerstva antymanapolnaha rehulavańnia i handlu i pradstaŭniki bujnych handlovych sietak Biełarusi padpisali dadatkovaje pahadnieńnie ab źnižkach na šerah tavaraŭ dla ŭraźlivych katehoryj nasielnictva.
28.06.2023 / 20:12
Hetaje rašeńnie — nie navinka, a praciah toj praktyki, jakaja dziejničała apošnija paŭtara hoda. Pieršy raz pahadnieńnie ab nadańni źnižki 10% dla ŭraźlivych katehoryj nasielnictva było zaklučana ŭ studzieni 2022 hoda, a paśla jano rehularna praciahvałasia.
U suviazi z tym, što ŭ kancy červienia termin dziejańnia pahadnieńnia znoŭ minaje, było pryniata rašeńnie padpisać čarhovaje dadatkovaje pahadnieńnie — na III kvartał 2023 hoda. Da pahadnieńnia dałučyłasia 14 sietak.
Ministr antymanapolnaha rehulavańnia i handlu Alaksiej Bahdanaŭ zajaviŭ, što čarhovyja pieramovy z handlovymi arhanizacyjami na pradmiet praciahvańnia źnižki byli nibyta vielmi składanymi i dyskusijnymi, bo ŭ krainie da ŭsiaho inšaha dziejničaje sistema cenavaha rehulavańnia, jakaja i tak surjozna abmiažoŭvaje dachodnaść handlovaha źviana.
«Adnak byli ŭniesieny karekciroŭki ŭ pastanovu ab rehulavańni cen, jakija spryjajuć stymulavańniu prodažu biełaruskaj pradukcyi i trochi pavialičvajuć dachodnaść handlovaha źviana. Jany dazvolili schilić šali da zhody pradoŭžyć dziejańnie źnižki dla ŭraźlivych słajoŭ nasielnictva», — cytuje ministra BiełTA.
Źnižka dajecca piensijanieram, invalidam, šmatdzietnym siemjam i małazabiaśpiečanym słajam nasielnictva. Siarod tavaraŭ, na jakija jana raspaŭsiudžvajecca: chleb i muka, aŭsianyja šmatki i jačnyja krupy, suchija makaronnyja vyraby, jałavičyna, śvinina, kurynaje miasa, małako, kiefir, śmiatana, tvaroh, jajki, jabłyki, harodnina i inšyja tavary.
Čytajcie taksama:
Kolki kaštuje miasa ŭ Minsku. Vialiki ahlad cen z Kamaroŭki, hipiermarkietaŭ i internet-kram