Ukrainie, vidać, pryjdziecca addać častku terytoryj — Tramp
«Ja chaču, kab ludzi pierastali pamirać z-za hetaj biessensoŭnaj vajny», — skazaŭ 45-y prezident ZŠA.
30.06.2023 / 07:22
Donald Tramp. Fota: Charlie Neibergall / AP
Donald Tramp nie vyklučyŭ, što ŭkrainskim uładam, mahčyma, daviadziecca sastupić častku terytoryi na karyść Rasii, kab spynić vajnu, jakaja pačałasia z uvarvańnia rasijskich vojskaŭ va Ukrainu 16 miesiacaŭ tamu.
Akramia taho, jon zajaviŭ, što rasijski prezident byŭ «krychu asłableny» miaciažom «vahnieraŭcaŭ», i što ZŠA pavinny vykarystoŭvać hety momant dla pieramovaŭ ab mirnym urehulavańni pamiž Rasijaj i Ukrainaj.
«Ja chaču, kab ludzi pierastali pamirać z-za hetaj biessensoŭnaj vajny», — skazaŭ Tramp u ijentervju Reuter.
«Ja dumaju, što samaja vialikaja reč, jakuju ZŠA pavinny rabić zaraz, — heta ŭstalavańnie miru: sabrać Rasiju i Ukrainu i zaklučyć mir», — dadaŭ były prezident ZŠA.
Adnosna abvinavačvańniaŭ u vajennych złačynstvach, vyłučanych suprać Pucina Mižnarodnym kryminalnym sudom u sakaviku minułaha hoda, Tramp skazaŭ, što jaho los varta abmiarkoŭvać, kali vajna skončycca, «bo ciapier, kali vy padnimiecie hetuju temu, vy nikoli nie dasiahnie miru, vy nikoli nie dasiahnie ŭrehulavańnia».
Raniej jon nieadnarazova zajaŭlaŭ, što kab byŭ prezidentam ZŠA, to zaviaršyŭ by vajnu za 24 hadziny.