Nazarbajeva pazbavili jašče adnaho zvańnia
Zakony, jakija tyčacca Nazarbajeŭ-univiersiteta, intelektualnych škoł u jaho honar i Fondu Nazarbajeva, źbirajucca źmianić, jak paviedamlaje Tengrinews.kz.
30.06.2023 / 11:27
6 lipienia Nursułtanu Nazarbajevu spoŭnicca 83 hady. Jon byŭ prezidentam krainy sa śniežnia 1990 hoda pa sakavik 2019 hoda. Fota: nazarbayev.kz
U čaćvier deputaty Sienata ŭchvalili adzin zakonaprajekt. Dla jaho realizacyi ŭniasuć źmieny i dapaŭnieńni ŭ šerah zakonaŭ, u tym liku «Ab statusie «Nazarbajeŭ-univiersiteta», «Nazarbajeŭ — intelektualnych škoł» i «Nazarbajeŭ-fondu».
U raniejšaj redakcyi zakona pieršym staršynioj vyšejšaj apiakunskaj rady byŭ pieršy prezident Kazachstana Nursułtan Nazarbajeŭ. U adpaviednaści sa źmienami staršynioj vyšejšaj apiakunskaj rady stanovicca prezident abo pryznačanaja im asoba.
Raniej stała viadoma, što svajo isnavańnie spynić Kancylaryja pieršaha prezidenta. Ministr finansaŭ Jerułan Žamaŭbajeŭ paviedamiŭ pra jaje restrukturyzacyju.
U studzieni Nazarbajeva pazbavili zvańnia Jełbasy.