Сілавікі затрымалі супрацоўніка кампаніі Nova System і яго начальніка, які спрабаваў «перашкаджаць затрыманню»
Супрацоўніка Nova System затрымалі з-за татуіроўкі з гербам «Пагоня» на назе.
30.06.2023 / 13:06
Сілавікі праз «пратэстную» татуіроўку затрымалі супрацоўніка кампаніі Nova System і ягонага начальніка, які спрабаваў «перашкаджаць затрыманню», піша «Медыязона».
Супрацоўніка Nova System затрымалі з-за татуіроўкі з гербам «Пагоня» на назе. Канал сілавікоў адзначае, што пра «пратэстную» татуіроўку паведамілі «пільныя грамадзяне». У відэа, знятым сілавікамі, затрыманы кажа, што звядзе тату пасля адбыцця пакарання.
Следам за супрацоўнікам Nova System паказваюць відэа з яго начальнікам. У роліку мужчына кажа, што міліцыянты прыйшлі на працу, каб затрымаць супрацоўніка.
На камеру затрыманы распавядае, што пасля гэтага «кідаўся ў бойку і спрабаваў перашкаджаць затрыманню супрацоўніка».