Siłaviki zatrymali supracoŭnika kampanii Nova System — z tatuiroŭkaj «Pahonia» na nazie. Zatrymali i jaho načalnika
Supracoŭnika Nova System zatrymali praz tatuiroŭku z hierbam «Pahonia» na nazie.
30.06.2023 / 13:06
Siłaviki praz «pratesnuju» tatuiroŭku zatrymali supracoŭnika kampanii Nova System i jahonaha načalnika, jaki sprabavaŭ «pieraškadžać zatrymańniu», jak piša «Miedyjazona».
Supracoŭnika Nova System zatrymali praz tatuiroŭku z hierbam «Pahonia» na nazie. Kanał siłavikoŭ adznačaje, što pra «pratesnuju» tatuiroŭku paviedamili «pilnyja hramadzianie». U videa, źniatym siłavikami, zatrymany kaža, što źviadzie tatu paśla adbyćcia pakarańnia.
Śledam za supracoŭnikam Nova System pakazvajuć videa ź jaho načalnikam. U roliku mužčyna kaža, što milicyjanty pryjšli na pracu, kab zatrymać supracoŭnika.
Na kamieru zatrymany raskazvaje, što paśla hetaha «kidaŭsia ŭ bojku i sprabavaŭ pieraškadžać zatrymańniu supracoŭnika».