Biznes-džet Pryhožyna znoŭ prylacieŭ u Minsk
Samalot Embraer Legacy 600 z bartavym numaram RA-02795, jaki źviazvajuć ź biznesoŭcam i kiraŭnikom PVK «Vahnier» Jaŭhienam Pryhožynym, siońnia ranicaj prylacieŭ u Minsk z Sankt-Pieciarburha, śviedčać źviestki flightradar24.com, piša Reform.by.
01.07.2023 / 12:43
Skrynšot flightradar24.com.
Bort vylecieŭ z Sankt-Pieciarburha ŭ 4:43 UTC (7:43 pa Minsku) i pryziamliŭsia ŭ 5:42 UTC (8:42 pa Minsku). Hety biznes-džet prylacieŭ u Minsk z Rastova-na-Donie 27 červienia, a zatym uviečary taho ž dnia nakiravaŭsia ŭ Maskvu.
27 červienia Alaksandr Łukašenka zajaŭlaŭ, što Pryhožyn znachodzicca ŭ Biełarusi. «Tak, sapraŭdy, jon siońnia ŭ Biełarusi. Jak ja i abiacaŭ, kali vy chočacie niejki čas u nas pierakantavacca i inšaje, my Vam dapamožam», — zajaviŭ jon.