Pačałasia rehistracyja na CT u dadatkovyja dni
Rehistracyja na centralizavanaje teściravańnie ŭ reziervovyja dni prachodzić z 1 pa 6 lipienia. U 2023 hodzie takimi dniami abrali 11 i 13 lipienia dla vyprabavańniaŭ pa biełaruskaj i ruskaj movach, 11 i 15 lipienia — dla inšych pradmietaŭ.
01.07.2023 / 16:00
Fota ilustracyjnaje
Zdać testy ŭ hetyja dni mohuć abituryjenty, jakija nie zmahli zrabić hetaha ŭ zvyčajnyja dni CT pa ŭvažlivych pryčynach. Uvažlivaj pryčynaj ličycca chvaroba abo jakija-niebudź nie zaležnyja ad čałavieka abstaviny. Pryčynu niajaŭki treba budzie paćvierdzić dakumientam.
Zarehistravacca dla zdačy CT možna ŭ BDU, Biełaruska-rasijskim univiersitecie, Bresckim dziaržaŭnym techničnym univiersitecie, Viciebskim dziaržaŭnym technałahičnym univiersitecie, Homielskim dziaržaŭnym techničnym univiersitecie imia Suchoha, Hrodzienskim dziaržaŭnym univiersitecie imia Janki Kupały.
Punkty rehistracyi pracujuć 1 lipienia da 18: 00. U budnyja dni — z 9:00 da 19:00.
Abituryjentu treba prychodzić z dakumientam, jaki śviedčyć asobu. Taksama pry sabie pavinna być paćvierdžańnie pryčyny, pa jakoj čałavieka nie było na ekzamienie ŭ asnoŭny dzień CT.
Čytajcie taksama:
Źjavilisia vyniki CT pa hramadaznaŭstvie