18-hadovy niderłandski aŭtahonščyk raźbiŭsia padčas spabornictvaŭ
U subotniaj honcy junijorskaj lihi Formula Regional Championship by Alpine (FRECA) na trasie Spa-Frankaršam u Bielhii adbyłasia trahiedyja. U vyniku avaryi zahinuŭ 18-hadovy niderłandski honščyk Dyłana van't Chof.
01.07.2023 / 19:04
Dyłana van't Chof. Fota: MP Motorsport
Incydent byŭ padobny da taho, što ŭ 2019 hodzie zabraŭ žyćcio 22-hadovaha francuzskaha piłota «Formuły-2» Antuana Jubiera. Hałandski honščyk straciŭ kiravańnie na pramoj i apynuŭsia z mašynaj upopierak trasy, dzie ŭ jaho ŭrezaŭsia aŭtamabil inšaha spartśmiena — Adama Fictžeralda.
Uličvajučy vialikuju chutkaść i drennuju bačnaść z-za daždžu, niešta zrabić u hetaj situacyi było niemahčyma. Van't Chof atrymaŭ traŭmy, niesumiaščalnyja z žyćciom, a Fitcdžeralda dastavili ŭ miedycynski centr z paškodžańniem plača.
«My z hłybokim smutkam vymušanyja paviedamić, što Dyłana van't Chof pamior u vyniku avaryi ŭ druhoj honcy ŭ Spa. Prynosim ščyryja spačuvańni jaho siamji, kamandzie i siabram», — havorycca ŭ zajavie arhanizataraŭ FRECA.
Čytajcie taksama:
U letniku pad Babrujskam varoty ŭpali na 13-hadovaha školnika. Jaho stan stabilna ciažki