Супрацоўніца мінскага музея знайшла на выкінутых плёнках унікальныя фота старой Нямігі
Адкрыццё унікальнай выставы пад адкрытым небам «Успамін пра Нямігу» адбудзецца 6 ліпеня ў 17.00 у Мастацкай галерэі Міхаіла Савіцкага, паведамляе Музей гісторыі Мінска ў сваім фэйсбуку.
02.07.2023 / 08:13
Старая Няміга. Фота: Музей гісторыі горада Мінска
Старая Няміга. Фота: Музей гісторыі горада Мінска
Экспазіцыя прысвечана вуліцы Нямізе і яе ваколіцам і арганізавана сумесна з Беларускім дзяржаўным архівам кінафотафонадакументаў і Беларускім дзяржаўным архівам навукова-тэхнічнай дакументацыі.
Старая Няміга. Фота: Музей гісторыі горада Мінска
Старая Няміга. Фота: Музей гісторыі горада Мінска
Старая Няміга. Фота: Музей гісторыі горада Мінска
Ідэя стварэння гэтай выставы з'явілася дзякуючы выпадку: супрацоўніца музея Яўгенія Стальмахова знайшла каля свайго пад'езду выкінутыя суседзямі фотастужкі.
Гэта быў цэлы сямейны архіў, і, відаць, аўтар фатаграфій працаваў у інстытуце Белпрампраект, бо сярод здымкаў было нямала кадраў, на якіх зафіксаваны нефармальныя будні інжынераў.
Старая Няміга. Фота: Музей гісторыі горада Мінска
Самымі цікавымі былі рэдкія віды старой забудовы вуліцы Нямігі да яе рэканструкцыі, якія таксама захаваліся на фотастужцы.
Старая Няміга. Фота: Музей гісторыі горада Мінска