Муж забіў жонку ў Смалявічах. Унукі выклікалі медыкаў
Паведамленне аб выяўленні 61-гадовай мясцовай жыхаркі ў кватэры без прыкметаў жыцця ў Смалявічах паступіла следчым увечары 1 ліпеня.
02.07.2023 / 12:00
Папярэдне ўстаноўлена, што ў 64-гадовага мужчыны з жонкай адбыўся канфлікт. Падчас сваркі ён нанёс ёй мінімум адзін удар нажом. Жанчына памерла на месцы, піша «Мінская праўда».
У момант трагедыі ў кватэры знаходзіліся ўнукі сямейнай пары, яны і паведамілі пра тое, што адбылося, бацькам і выклікалі медыкаў.
Узбуджана крымінальная справа па ч. 1 арт. 139 (забойства) Крымінальнага кодэкса Беларусі.
Мужчыну затрымалі супрацоўнікі міліцыі. Праводзяцца следчыя дзеянні.