Paplečnik Kadyrava apublikavaŭ videa ź im. Raniej zajaŭlałasia, što Adam Delimchanaŭ byŭ zabity ci paranieny va Ukrainie
Deputat Dziarždumy Adam Delimchanaŭ apublikavaŭ u svaim telehram-kanale videa, na jakim pakazaŭ datu i čas na ekranie telefona — 2 lipienia 20:47. Razam ź im u kadry — kiraŭnik Čačni Ramzan Kadyraŭ.
03.07.2023 / 09:36
Skrynšot videa
«Sabaka breša, karavan idzie. My žyviom, pacichu žyviom, chleb žujom. Cikavaje žyćcio. Žyćcio naohuł cikavaje byvaje, kali byvaje karotkaje. Doŭha žyć my ŭsio roŭna nie chočam», — zajaŭlaje na kadrach Kadyraŭ, pra špitalizacyju jakoha chadzili čutki.
14 červienia ŭkrainskija miedyja paviedamlali, što Delimchanaŭ zahinuŭ u Zaparožskaj vobłaści. Paźniej źjaviłasia infarmacyja ab tym, što jon «paranieny, ale žyvy». Kadyraŭ spačatku abiacaŭ hrošy ŭkrainskim śpiecsłužbam za infarmacyju pra svajho paplečnika, a paśla śćviardžaŭ, što ź im «usio ŭ paradku». Adnak uvieś hety čas nie było paćviardžeńniaŭ hetaj infarmacyi.