Saakašvili źjaviŭsia na sudzie ŭ žachlivym stanie
Były prezident Hruzii Michaił Saakašvili źjaviŭsia pa videasuviazi na pasiadžeńni suda paśla doŭhaha pierapynku.
03.07.2023 / 17:08
Skrynšoty z sudovaha pasiadžeńnia
Na videa vidać, jak schudnieŭ i asunuŭsia palityk. Padčas suda jon znachodzicca ŭ balnicy.
«Ja mahu być fizična słabym, ale ja vielmi mocny znutry, ja vielmi mocny!» — pryvodzić słovy Saakašvili padčas sudovaha pracesu jaho byłaja pres-sakratarka i prykładaje skrynšoty.
U turmu Saakašvili trapiŭ 1 kastryčnika 2021 hoda, kali viarnuŭsia ŭ Hruziju. Jon abvinavačvajecca pa niekalkich kryminalnych spravach. Pa niekatorych ź ich Saakašvili byŭ asudžany da šaści hadoŭ źniavoleńnia jašče da viartańnia ŭ Hruziju. Pa stanie zdaroŭja jon znachodzicca ŭ tbiliskaj klinicy i ŭ sudzie ŭdzielničaje anłajn.
U lutym paviedamlałasia, što palityk važyŭ 67 kh — amal na 50 mieniej, čym byŭ da źniavoleńnia.