Pucin, Si Czińpin i Modzi abmiarkujuć ustupleńnie Biełarusi ŭ ŠAS
Lidary Šanchajskaj arhanizacyi supracoŭnictva (ŠAS) siońnia praviaduć anłajn-samit, arhanizavany Indyjaj, kab pašyryć upłyŭ Jeŭrazijskaj hrupy za košt uklučeńnia Irana i adkryć šlach da siabroŭstva dla Biełarusi.
04.07.2023 / 09:36
Fota: Mikhail Svetlov / Getty Images
Prezident Kitaja Si Czińpin i rasijski prezident Uładzimir Pucin prymuć udzieł u virtualnym samicie, jaki stanie pieršym źjaŭleńniem Pucina na mižnarodnym mierapryjemstvie paśla taho, jak jon zdušyŭ miaciež hrupy najmitaŭ «Vahniera» ŭ kancy červienia.
Zasnavanaja ŭ 2001 hodzie Kitajem i Rasijaj ŠAS składajecca z vaśmi členaŭ i ŭjaŭlaje saboj palityčnuju hrupu i hrupu biaśpieki, jakaja imkniecca supraćstajać zachodniamu ŭpłyvu ŭ Jeŭrazii. U jaje ŭvajšli byłyja savieckija dziaržavy Centralnaj Azii (Kazachstan, Uźbiekistan, Kyrhyzstan, Tadžykistan), a paśla da ich dałučylisia Indyja i Pakistan.
U toj čas jak Iran, jak čakajecca, budzie pryniaty ŭ jakaści člena, Biełaruś padpiša miemarandum ab abaviazacielstvach, jaki pryviadzie da jaje členstva paźniej. Kali abiedźvie krainy, jakija majuć status naziralnika i majuć ciesnyja suviazi z Maskvoj, buduć pryniatyja čalcami ŠAS, heta pašyryć zachodni fłanh hrupoŭki jak u Jeŭropie, tak i ŭ Azii.
Samit prachodzić usiaho praz dva tydni paśla taho, jak premjer-ministr Indyi Narendra Modzi byŭ pryniaty prezidentam ZŠA Džo Bajdenam ź dziaržaŭnym vizitam, i dźvie krainy nazvali siabie «adnymi z najbližejšych partnioraŭ u śviecie».
Pucin razmaŭlaŭ z Modzi na minułym tydni, kab abmierkavać nastupstvy padaŭleńnia buntu najmitaŭ. Padčas abmierkavańnia Modzi znoŭ zaklikaŭ da dyjałohu i dypłamatyi adnosna vajny suprać Ukrainy.