Supracoŭnicu IT-kampanii «Hiejm Strym» Ksieniju Alkienavu chutka pačnuć sudzić za danaty
Ksienija — supracoŭnica IT-kampanii «Hiejm Strym». Jaje zatrymali 11 sakavika ŭ Minsku. Pavodle siłavikoŭ, u 2020-2021 hadach praz danaty ŭ fejsbuku jana zrabiła dzieviać płaciažoŭ u fondy salidarnaści na ahulnuju sumu 425$.
04.07.2023 / 15:22
Praŭładnyja telehram-kanały apublikavali videa ź pieratrusu, padčas jakoha ŭ Alkienavaj znajšli i kanfiskavali BČB-ściah, 20 000$ i arhtechniku, jak piša «Viasna».
Ciapier jaje abvinavačvajuć pavodle č. 1 art. 361-2 KK (Finansavańnie ekstremisckaj dziejnaści) i art. 361-2 KK (Finansavańnie dziejnaści ekstremisckaha farmavańnia) — pry hetym u redakcyi ad 26 maja 2021 hoda hetaja farmuloŭka adsutničaje.
Sud nad palitźniavolenaj raspačniecca 10 lipienia ŭ Minharsudzie. Spravu razhladać budzie sudździa Jaŭhien Chatkievič.
Padtrymajcie Ksieniju hrašovymi pieravodami, pasyłkami i listami salidarnaści: SIZA-1. 220030, h. Minsk, vuł. Vaładarskaha, 2, Ksienija Alaksandraŭna Alkienava
Čytajcie taksama: