Kitaj admianiŭ vizit u Piekin Žazepa Barela
Kitaj skasavaŭ zapłanavanuju na nastupny tydzień pajezdku Vysokaha pradstaŭnika Jeŭrasajuza ŭ pytańniach zamiežnaj palityki i palityki biaśpieki Žazepa Barela, jak paviedamlaje Reuters.
04.07.2023 / 17:19
Žazep Barel. Fota: AP Photo/Virginia Mayo
«Na žal, kitajskija kalehi paviedamili nam, što zapłanavanyja daty na nastupnym tydni ŭžo niemahčymyja, i ciapier my pavinny šukać alternatyvy», — paviedamiła pradstaŭnica ES Nabiła Masrali.
Pryčyny admieny vizitu nie nazyvajucca.
Barel pavinien byŭ naviedać Piekin 10 lipienia, kab sustrecca ź ministram zamiežnych spraŭ Kitaja Cyń Hanam i abmierkavać «stratehičnyja pytańni», uklučajučy pravy čałavieka i vajnu Rasii va Ukrainie, jak zajaŭlaŭ u niadzielu ambasadar ES u Kitai.
Pajezdka Barela ŭ Kitaj admianiajecca sioleta ŭžo druhi raz. U krasaviku jon nie zmoh pryjechać paśla stanoŭčaha vyniku testa na COVID-19.
Čytajcie taksama:
Hienieralny sakratar NATO Jens Stołtenbierh zastaniecca na pasadzie kiraŭnika Aljansu