«Techničny zboj, skryny prajšli apracoŭku ŭ hrafičnych redaktarach». BDU admaŭlaje, što ich sistemy ŭzłamali «Kibierpartyzany»
Pres-słužba BDU adreahavała na paviedamleńnie hrupy «Kibierpartyzany» pra ŭzłom ich infarmacyjnych sistem i ŭciečku danych. Maŭlaŭ, heta ŭsio «techničny zboj funkcyjanavańnia sistemy apracoŭki źviestak».
04.07.2023 / 17:56
Pavodle pres-słužby navučalnaj ustanovy:
«Infarmacyja pra DDoS-ataku na BDU, jakaja raspaŭsiudžvajecca ŭ internecie, niedakładnaja. Va ŭniviersitecie adbyŭsia techničny zboj funkcyjanavańnia sistemy apracoŭki danych. Skryn i fota, jakija raspaŭsiudžvajucca, niedakładnyja, sfalsifikavanyja, jany prajšli apracoŭku ŭ hrafičnych redaktarach».
IT-śpiecyjalisty ŭniviersiteta ciapier nibyta aktyŭna pracujuć nad likvidacyjaj «techničnaha zboju».
Varta adznačyć, što «Kibierpartyzany» ŭ svaim paviedamleńni kazali nie pra DDoS-ataku na BDU, pry jakoj dostup da materyjałaŭ tolki ŭskładniajecca, a pra paŭnavartasny ŭzłom. DDoS-ataka — heta sposab zabłakavać pracu sajta šlacham padačy vialikaj kolkaści zapytaŭ, jakija pieravyšajuć prapusknuju zdolnaść sietki.
Čytajcie taksama:
«Kibierpartyzany» zajavili pra ŭzłom sajta spartyŭnaj haziety «Presboł»
«Kibierpartyzany» prymusili baranavicki aficyjoz pavinšavać biełarusaŭ z Dniom Voli