Meta zapuskaje novy servis Threads — pramoha kankurenta Twitter. Zapusk užo zaŭtra
«Tekstavy dadatak dla kamunikacyj» pad nazvaj Threads užo dastupny dla pieradzamovy ŭ Apple App Store, adnak spampavać jaho možna budzie nie raniej za čaćvier.
05.07.2023 / 07:29
Kampanija Facebook Meta zapuskaje novy servis na bazie Instagram, jaki vielmi nahadvaje pa funkcyjanale Twitter i pavinien skłaści jamu pramuju kankurencyju, piša Bi-bi-si.
«Tekstavy dadatak dla kamunikacyj» pad nazvaj Threads užo dastupny dla pieradzamovy ŭ Apple App Store, adnak spampavać jaho možna budzie nie raniej za čaćvier.
U apisańni servisu pakazvajecca, što Threads — heta płatforma, «dzie ludzi źbirajucca razam, kab abmierkavać usio zapar: ad taho, što ich chvaluje siońnia, da taho, što budzie ŭ trendzie zaŭtra».
Miarkujučy pa apublikavanych skrynšotach, karystalniki Threads zmohuć publikavać karotkija tekstavyja paviedamleńni, jakija —iak i ŭ Twitter — možna budzie łajkać, kamientavać abo dzialicca imi sa svaimi čytačami.
Meta
Sam Twitter pieražyvaje aktyŭny adtok karystalnikaŭ paśla jaho kupli miljarderam Iłanam Maskam, jaki skaraciŭ amal pałovu supracoŭnikaŭ kampanii i pačaŭ zrazać u pravach uładalnikaŭ biaspłatnych akaŭntaŭ, sprabujučy prymusić ich padpisacca na płatnuju viersiju servisu Twitter Blue.
Apošnim takim krokam stała ŭ subotu abmiežavańnie kolkaści tvitaŭ, dastupnych dla prahladu ź biaspłatnych akaŭntaŭ. Papularnaja panel TweetDeck ŭsio jašče dastupnaja ŭsim karystalnikam tvitara, ale Mask užo paabiacaŭ, što praz 30 dzion płatnaj stanie i jana.
Miarkujučy pa apublikavanych skrynšotach novaha dadatku Threads, servis budzie całkam biaspłatnym i bieź jakich-niebudź abmiežavańniaŭ na kolkaść dastupnych dla prahladu paviedamleńniaŭ.
U apošnija niekalki hadoŭ było zapuščana niekalki dadatkaŭ, vielmi nahadvajuć Twitter. Samyja viadomyja ź ich — Mastodon i Bluesky, adnak navat jany mocna sastupajuć jamu pa papularnaści.
U svaju čarhu, Meta taksama nie pieršy raz zapazyčvaje ŭ kankurentaŭ papularnyja idei. Naprykład, funkcyja źnikajučych praz 24 hadziny paviedamleńniaŭ (bolš viadomaja jak «storyz») upieršyniu źjaviłasia na płatformie Snapchat.
Adnak u 2016 hodzie jaje skapijavali spačatku raspracoŭščyki Instagram, a zatym i Facebook, i na siońniašni dzień hety farmat najbolš papularny mienavita ŭ dadatkachz Meta.
Miarkujučy pa apošniaj spravazdačy, u pieršym kvartale hoda sukupnaja štodzionnaja aŭdytoryja ŭsich troch dadatkaŭ Meta — Facebook, Instagram i WhatsApp — składała bolš za 3 miljardy čałaviek.
Čytajcie taksama:
U tvitary bolš nie budzie błakitnaj ptušački
Usio ž taki boju pamiž Maskam i Cukierbierham być. Jon moža adbycca ŭ niezvyčajnym miescy