Уладзіміра Цэслера выключылі з Саюза мастакоў Беларусі
Дызайнер Уладзімір Цэслер вядомы сваімі хлёсткімі плакатамі. Апошнія некалькі год ён жыве ў эміграцыі. Нядаўна дызайнера выключылі з Саюза мастакоў Беларусі.
05.07.2023 / 19:08
Калаж: «Наша Ніва»
Як расказаў Цэслер «Нашай Ніве», яго выключылі за нясплату ўнёскаў.
Многія працы гэтага дызайнера становяцца віруснымі — напрыклад, гара Рашмар з тварамі Лукашэнкі. А твор «Беларускі арнамент» ( у выглядзе калючага чырвонага дроту на белым фоне) сёлета атрымаў адмысловую адзнаку на Міжнародным біенале плаката ў Варшаве. Для самога дызайнера найбольш эмацыйнай з'яўляецца праца Loading (на выяве — загрузка 97%).
Цяпер Цэслер жыве на Кіпры і працягвае ствараць.
Выстава плакатаў Цэслера ў Вільні, 2023 год. Фота: «Наша Ніва»
Чытайце таксама:
Цэслер падзяліўся, якую з уласных прац лічыць найбольш эмацыйна складанай