Cukierbierh apublikavaŭ pieršy za 11 hadoŭ maŭčańnia tvit. I heta ironija
Kiraŭnik kampanii Meta Mark Cukierbierh raźmiaściŭ u tvitary dopis. Papiaredni byŭ apublikavany ŭ studzieni 2012 hoda.
06.07.2023 / 12:18
Mark Cukierbierh. Fota: Getty Images
Heta adbyłosia praź niekalki hadzin paśla zapusku novaj sacsietki Threads, jakaja pazicyjanujecca jak kankurent servisu mikrabłohaŭ.
Cukierbierh zapościŭ internet-miem, na jakim dva čałavieki-pavuki pakazvajuć adzin na adnaho. Mahčyma, heta adsyłka da imaviernaha boju ź Iłanam Maskam.
Apošni tvit Cukierbierha byŭ apublikavany 18 studzienia 2012 hoda. Novaja publikacyja źjaviłasia paśla taho, jak dadatak Threads staŭ dastupny dla papiaredniaj zahruzki ŭ kramie App Store.
U apisańni servisu śćviardžajecca, što Threads — heta płatforma, «dzie ludzi źbirajucca razam, kab abmierkavać absalutna ŭsio: ad taho, što ich chvaluje siońnia, da taho, što budzie ŭ trendzie zaŭtra».
Karystalniki Threads zmohuć publikavać karotkija tekstavyja paviedamleńni, jakija, jak i ŭ Twitter, možna budzie łajkać, kamientavać abo dzialicca imi sa svaimi čytačami.
Čytajcie taksama:
Meta zapuskaje novy servis Threads — niepasrednaha kankurenta Twitter. Zapusk užo zaŭtra
U tvitary bolš nie budzie błakitnaj ptušački
Usio ž taki boju pamiž Maskam i Cukierbierham być. Jon moža adbycca ŭ niezvyčajnym miescy