Што здарылася з міністрам транспарту, які раптоўна памёр пасля Дня Незалежнасці?
Міністр транспарту і камунікацый Аляксей Аўраменка раптоўна памёр 4 ліпеня. Пра яго заўчасную смерць паведаміла дзяржаўнае агенцтва, але падрабязнасцяў не прыводзіла. «Нашай Ніве» сталі вядомы некаторыя абставіны.
06.07.2023 / 15:27
Развітанне з міністрам. Фота: БелТА
Як стала вядома «Нашай Ніве», міністр транспарту і камунікацый Аляксей Аўраменка скончыў жыццё суіцыдам. Адбылося гэта на лецішчы, яго знайшлі сваякі.
Гэта ўжо другі за апошні час выпадак суіцыдаў сярод лукашэнкаўскіх міністраў. Летась у сваім доме ў Драздах, па інфармацыі «Наша Нівы» засіліўся Уладзімір Макей.
Аўраменка быў міністрам з 2019 года. А дагэтуль працаваў на розных пасадах ва ўпраўленні транспарту і сувязі апарату Савета Міністраў Беларусі, упраўленне транспарту і сувязі апарату Савета Міністраў.
Сёння адбылася цырымонія развітання з Аўраменкам. На ёй прысутнічалі многія высокія чыноўнікі. Ад Аляксандра Лукашэнкі прынеслі вянок.
Чытайце таксама:
У Мінску развіталіся з раптоўна памерлым міністрам транспарту. Лукашэнка перадаў вянок