U Breście pradali z aŭkcyjonu kaŭbasny zavod
U čaćvier na aŭkcyjonnaj placoŭcy «Biełrealizacyja» pradali kaŭbasny zavod. Jak paviedamlaje partał «Virtualny Brest», jaho za 32 796 288 rubloŭ (amal za 11 młn dalaraŭ) nabyło zamiežnaje pradpryjemstva «Inkafud».
06.07.2023 / 16:22
Pradpryjemstva pradali z druhoj sproby. Letaś zavod vystaŭlali pa canie 50 młn rubloŭ, ale achvotnych jaho nabyć nie znajšłosia. Siońnia aŭkcyjon prajšoŭ z panižeńniem cany — vystavili spačatku za 36 młn rubloŭ.
Raniej zavod naležaŭ ZTAA «Biełaviežskija dalikatesy» i byŭ zarehistravany ŭ śniežni 2011 hoda ŭ svabodnaj ekanamičnaj zonie «Brest». Jon vyrablaje kaŭbasu i inšyja miasnyja pradukty ŭ Breście pad brendami «Biełaviežski haściniec» i «Dar ptuška».
Zavod pradavaŭsia ŭ košt pahašeńnia daŭhoŭ ułaśnika razam z usim abstalavańniem. U 2022 hodzie ekanamičny sud Bresckaj vobłaści pryznaŭ pradpryjemstva «Biełaviežskija dalikatesy» bankrutam i abviaściŭ likvidacyjnuju vytvorčaść.
«Inkafud», jaki nabyŭ pradpryjemstva, źjaŭlajecca adnym z najbujniejšych u Biełarusi miasapierapracoŭčych zavodaŭ jeŭrapiejskaha ŭzoru. Kampanija vypuskaje bolš za 150 najmieńniaŭ pradukcyi pad tryma handlovymi markami: «Biełaruskaja tradycyja», NATURA, «Ad bulbaša».
Čytajcie taksama:
Užo treci raz sprabujuć pradać kvateru Cichanoŭskich
Na aŭkcyjon vystavili dziaržaŭny likiora-harełačny zavod
Na aŭkcyjon vystavili budynki Minskaha stankabudaŭničaha zavoda