Звольнілі пробашча кафедральнага касцёла ў Мінску, які служыў там 20 гадоў
6.07.2023 / 18:42
6 ліпеня Мітрапаліт Мінска-Магілёўскі архібіскуп Юзаф Станеўскі ў памяшканні мітрапалітальнай курыі ў Мінску абвясціў аб новых прызначэннях у сваёй архідыяцэзіі і ўручыў адпаведныя дэкрэты, паведамляе Catholic.by.
Ксёндз Антоній Клімантовіч
Сярод іншага ксёндз-канонік Антоній Клімантовіч звольнены з пасады пробашча архікафедральнай парафіі Імя Найсвяцейшай Панны Марыі ў Мінску і прызначаны пробашчам парафіі Нараджэння Найсвяцейшай Панны Марыі ў Заслаўі.
У той жа час пробашч гэтай парафіі ў Заслаўі ксёндз-канонік Дзмітрый Пухальскі пераводзіцца на ранейшую пасаду Клімантовіча — пробашча архікафедральнай парафіі Імя Найсвяцейшай Панны Марыі ў Мінску. З чым звязаная гэтая ракіроўка — не паведамляецца.
54-гадовы ксёндз Антоній Клімантовіч займаў пасаду пробашча архікафедральнай парафіі ў Мінску з 10 мая 2003 года (да 2 лютага 2005 года як выканаўца абавязкаў). Такім чынам, ён праслужыў у гэтай адказнай парафіі цэлых 20 гадоў.
Чытайце таксама:
Улады паабяцалі Гуджэроці дапамагчы ў аднаўленні касцёла ў Будславе