Zvolnili probašča kafiedralnaha kaścioła ŭ Minsku, jaki słužyŭ tam 20 hadoŭ
6 lipienia Mitrapalit Minska-Mahiloŭski archibiskup Juzaf Stanieŭski ŭ pamiaškańni mitrapalitalnaj kuryi ŭ Minsku abviaściŭ ab novych pryznačeńniach u svajoj archidyjacezii i ŭručyŭ adpaviednyja dekrety, paviedamlaje Catholic.by.
06.07.2023 / 18:42
Ksiondz Antonij Klimantovič
Siarod inšaha ksiondz-kanonik Antonij Klimantovič zvolnieny z pasady probašča archikafiedralnaj parafii Imia Najśviaciejšaj Panny Maryi ŭ Minsku i pryznačany probaščam parafii Naradžeńnia Najśviaciejšaj Panny Maryi ŭ Zasłaŭi.
U toj ža čas probašč hetaj parafii ŭ Zasłaŭi ksiondz-kanonik Dźmitryj Puchalski pieravodzicca na raniejšuju pasadu Klimantoviča — probašča archikafiedralnaj parafii Imia Najśviaciejšaj Panny Maryi ŭ Minsku. Z čym źviazanaja hetaja rakiroŭka — nie paviedamlajecca.
54-hadovy ksiondz Antonij Klimantovič zajmaŭ pasadu probašča archikafiedralnaj parafii ŭ Minsku z 10 maja 2003 hoda (da 2 lutaha 2005 hoda jak vykanaŭca abaviazkaŭ). Takim čynam, jon prasłužyŭ u hetaj adkaznaj parafii cełych 20 hadoŭ.
Čytajcie taksama:
Ułady paabiacali Hudžeroci dapamahčy ŭ adnaŭleńni kaścioła ŭ Budsłavie