Za ablity farbaj aŭtamabil Z-hastralora ŭ Navapołacku raspačali kryminalnuju spravu
Supracoŭniki milicyi zatrymali 53-hadovaha žychara horada Ilju Dvojryna.
07.07.2023 / 09:29
Taksama byli zatrymanyja žonka, syn Dvojryna Dźmitryj, niaviestka i brat, piša «Viasna».
4 lipienia ŭ ich doma praviali pieratrusy, a svajakoŭ advieźli ŭ RAUS. Paźniej žonku i brata Ilji paśla pravierki telefonaŭ adpuścili, a jaho samoha źmiaścili ŭ viciebski IČU. Na jaho zaviedziena kryminalnaja sprava.
Na Dźmitryja i Viktoryju Dvojrynaŭ skłali administracyjnyja pratakoły. 6 lipienia ŭ Połacku adbyŭsia sud, adnak jaho vyniki pakul nieviadomyja.