WhatsApp uvioŭ mietad pieradačy danych na asnovie QR-koda
Kab pieranieści historyju čataŭ na druhuju pryładu, vam spatrebicca tolki padklučeńnie da Wi-Fi.
07.07.2023 / 12:33
Fota: vecteezy
WhatsApp abviaściŭ ab novym i bolš chutkim sposabie pieranosu čata sa staroha telefona na novy z dapamohaj QR-koda. Kampanija zajaviła, što karystalniki, jakija mianiajuć telefon na inšy z toj ža apieracyjnaj sistemaj (Android ci iOS), zmohuć pieradavać danyja z dapamohaj Wi-Fi. Kab pieranieści historyju čataŭ, pierakanajciesia, što abiedźvie pryłady ŭklučanyja i padłučanyja da adnoj sietki Wi-Fi.
Zatym adkryjcie WhatsApp na starym telefonie i pierajdzicie ŭ Nałady > Čaty > Pieradača čata (Settings > Chats > Chat transfer).
Vy ŭbačycie QR-kod, i zastaniecca prosta adskanavać jaho z dapamohaj novaha telefona, kab zaviaršyć praces pieradačy.
Vyjava: WhatsApp
Kampanija zajaviła, što hety mietad bolš biaśpiečny, čym rašeńni inšych vytvorcaŭ, tak jak danyja šyfrujucca i pieradajucca pamiž dźviuma pryładami tolki praz łakalnuju sietku.
Da hetaha času WhatsApp abapiraŭsia na vobłačnyja reziervovyja kopii dla pieranosu danych z adnoj pryłady na druhuju, jakaja pracuje pad kiravańniem toj ža apieracyjnaj sistemy — iOS abo Android. Heta pieršy raz, kali kampanija ŭkaraniaje łakalny mietad dla pieranosu danych.
Darečy, WhatsApp dazvalaje taksama ekspartavać historyju čataŭ, fatahrafii, videa i inšyja danyja z Android na iPhone i naadvarot. Adnak abodva sposaby krychu bolš składanyja, čym skanavańnie QR-koda. Dla pieranosu infarmacyi z Android na iPhone, naprykład, vam spatrebicca prahrama Move to iOS, jakaja jość u Google Play.
Vyjava: WhatsApp
Miesiendžar taksama maje funkcyju vykarystańnia niekalkich pryład dla adnaho ŭlikovaha zapisu. Takim čynam, vy možacie sinchranizavać adpraŭlenyja i atrymanyja paviedamleńni z adnym numaram telefona na roznych pryładach. U krasaviku kampanija abnaviła funkcyju dla padtrymki niekalkich telefonaŭ.
Čytajcie taksama:
Jak abaranić siabie i svoj akaŭnt u WhatsApp: pakrokavy hajd
Google raskazaŭ pra 12 niebiaśpiečnych prahram dla Android. Voś čamu ich treba vydalić zaraz ža