Hramadstva

Žycharcy Navapołacka prysudzili dva hady za kamientary pra siłavikoŭ

30 maja sudździa Navapołackaha suda Śniažana Kaliničenka vyniesła prysud miascovaj žycharcy Kaciarynie Leŭ. Jaje vinavacili ŭ abrazie pradstaŭnikoŭ ułady pavodle art. 369 Kryminalnaha kodeksa. Sud pakaraŭ žančynu pazbaŭleńniem voli terminam na dva hady i štrafam 3700 rubloŭ, paviedamlaje «Viciebskaja viasna».

Fota: novopolotsk.gov.by

U sudovym pracesie abražanymi pradstaŭnikami ŭłady vystupili namieśnik načalnika UUS Minskaha abłvykankama Vital Kazłoŭ, kiraŭnik administracyi Leninskaha rajona Minska Raman Mielnik, a taksama pieršy namieśnik načalnika HUUS Minharvykankama Ihar Padvojski.

Usie hetyja siłaviki trapili ŭ skandał, kali ŭ lutym 2022 hoda «Kibierpartyzany» apublikavali źliŭ ich razmovy ź vieraśnia 2020 hoda. Telefonnaja hutarka Padvojskaha, Mielnika i Kazłova stała dokazam taho, što milicyja padkazvaje sudździam, jakija prysudy vynosić udzielnikam mirnych pratestaŭ.

Paśla apublikavańnia rolika z zapisam u telehram-kanale «Kibierźlivy», pad im pakinuła vodhuki bolš za dva dziasiatki čałaviek, siarod jakich akazałasia i asudžanaja Kaciaryna Leŭ.

U čakańni suda Kaciaryna praviała čatyry miesiacy ŭ viciebskim izalatary.

Čytajcie taksama:

U Babrujsku znoŭ asudzili stryječnaha brata bajca pałka Kalinoŭskaha i dadali jašče paŭhoda kałonii

Palitviazień Uładzimir Haroch u źniavoleńni mocna schudnieŭ i tracić zuby

Smarhoniec Ramuald Ułan raskazaŭ, za što jaho zatrymali na siem sutak

Kamientary da artykuła