«Raskazać Biełaruś». 7 lipienia — Dzień biełaruskaj kultury
7.07.2023 / 19:39
Voś užo treci hod hetaje śviata jadnaje tysiačy biełarusaŭ. I čarhovy raz śćviardžaje tezu: Biełaruś tam, dzie biełarusy! Słohan hłabalnaj kampanii #ByCultureGlobal23 — «Raskazać Biełaruś», paviedamlaje Biełaruskaja rada kultury.
«Raskazać Biełaruś» — heta
- raskazvać pra samich biełarusaŭ, čym my žyviom siońnia, jakija my, jak naša biełaruskaść isnuje va ŭmovach nievierahodnych represij, cisku, zasilla rasiejskaj kultury (u Biełarusi) i adarvanaści ad rodnaj ziamli (kali havorka pra biełarusaŭ zamiežža);
- movaj mastactva kazać pra našych palitviaźniaŭ;
- kazać pra minuŭščynu i vybitnych pierson našaj historyi, lehiendarnyja padziei;
- kazać pra nacyjanalnyja tradycyi i naš bahaty žyvy falkłor;
- raskazvać pra zdabytki biełaruskich tvorcaŭ, najlepšyja ŭzory tvorčaści ŭ roznych žanrach mastactva;
- raskazvać pra toje, čym my hanarymsia, u čym jość naša hodnaść i što adroźnivaje nas ad inšych nacyj.
Śviet musić viedać, kim my jość. Daviedvacca pra nas praz našy kulturu, mastactva, movu.
Pa spasyłcy — afiša na mierapryjemstva na siońnia i najbližejšyja dni. Šukajcie, što adbyvajecca ŭ vašych haradach.
A taksam dałučajciesia da fłešmobu pad chešteham #SpeakBelarus i raspaviadajcie cikavyja fakty ci historyi pra Biełaruś u svaich sacsietkach.