Valeryju Załužnamu — 50 hadoŭ
Hałoŭnakamandujučy Uzbrojenymi siłami Ukrainy adznačaje siońnia jubilej. Vielmi pazityŭna vykazaŭsia pra čałavieka №2 va Ukrainie ŭ telehramie Alaksiej Arastovič.
08.07.2023 / 10:14
«Siońnia — 50 hadoŭ adnamu vielmi dobramu čałavieku.
Hety čałaviek unikalnym čynam spałučaje ŭ sabie vielizarnuju dabryniu i stalnuju volu, čałaviečuju prostaść i administracyjnuju mudraść, biaźlitasnaść u rašeńniach i tonkaje pačućcio humaru, hłybiniu pieražyvańniaŭ i niepazbyŭny aptymizm.
Stratehičny rozum i luboŭ da paŭsiadzionnych radaściaŭ žyćcia.
Jaho vartaści možna pieraličvać hadzinami.
Ale hałoŭnaje ŭ im — jon u vysokaj, u najvyšejšaj stupieni čałaviečny.
Uładzimir Zialenski, kiraŭnik Ofisa prezidenta Andrej Jarmak i Valeryj Załužny. Fota z fejsbuk-staronki namieśnika ministra abarony Hanny Malar
Heta, napeŭna, adziny pałkavodziec u historyi, jaki nastolki čałaviečny.
I historyja daje jamu naležnaje, pastaviŭšy kiravać siłami abarony Ukrainy ŭ momant biblejskaha pa maštabie razłomu našaj historyi, jakuju jon tvoryć svaimi rašeńniami.
Ja nie viedaju inšaha takoha čałavieka i, kali b mnie daviałosia prydumać hieroja šekśpiraŭskaj pa razmachu dramy, nie zmoh by navat ujavić taki niepaŭtorny charaktar.
— Z dniom naradžeńnia, panie Hołovnokomanduvač.)
Z dniom Naradžeńnia», — napisaŭ Alaksiej Arastovič.
Čytajcie taksama:
Załužny — siaržantu-šturmaviku: Anu, adzieŭsia biahom! Zarobiš u mianie!
Zialenski pryjechaŭ na vostraŭ Źmiainy ŭ 500-y dzień poŭnamaštabnaj vajny