U Kobrynie skončyŭ žyćcio samahubstvam 34-hadovy aficer milicyi, baćka čatyroch dziaciej
Namieśnika načalnika addzieła kryminalnaha vyšuku Kobrynskaha RAUS Dźmitryja Dziemčyka znajšli niežyvym u haražy.
11.07.2023 / 08:22
Fota: «Kibierpartyzany», kbr.by
Pra samahubstva milicyjanta pieršymi paviedamili pravaabaroncy.
Nakolki viadoma «Našaj Nivie», 34-hadovy Dźmitryj Dziemčyk učyniŭ suicyd 8 lipienia. Mužčynu znajšli ŭ haražy. U jaho zastałosia čaćviora dziaciej. Žonka tolki vyjšła z dekreta.
Što stała pryčynaj trahiedyi, pakul nie viadoma. Dziemčyka charaktaryzujuć jak «dobraha čałavieka».
Rodam Dźmitryj Dziemčyk z Kobrynskaha rajona. U 2018 hodzie jon byŭ jašče zvyčajnym opieram kryminalnaha vyšuku.
U Bresckim abłasnym upraŭleńni MUS havaryć z «Našaj Nivaj» pra śmierć supracoŭnika milicyi admovilisia. U Kobrynskim RAUS pytańnie vysłuchali i paśla paŭzy zajavili, što takoj infarmacyi nie dajuć.
Žychary Kobryna, jakija ciapier znachodziacca ŭ emihracyi nastojvajuć, što Dziemčyk udzielničaŭ u palityčnych pieraśledzie ludziej. Prysutničaŭ na dopytach, zatrymlivaŭ niazhodnych z palitykaj režymu Łukašenki.