Ukraincy za 5 tydniaŭ vyzvalili amal stolki terytoryi, kolki rasijanie zachapili za paŭhoda
Jak ukrainskija, tak i rasijskija krynicy ŭ apošnija dni pakazvajuć na toje, što Ukraina zavajoŭvaje pazicyi ŭ rajonie Bachmuta i na jaho paŭdniova-zachodnich fłanhach, uklučajučy śpiecyfičnyja asablivaści reljefu, jakija mohuć dać ukrainskim siłam ahniavuju pieravahu.
11.07.2023 / 07:38
Ukrainski tank. Fota: Hienštab USU
Analityki Instytuta vyvučeńnia vajny (ISW) padličyli, što siły abarony za 5 tydniaŭ kontrnastupleńnia vyzvalili stolki terytoryi, kolki rasijanie zachapili za paŭhoda.
U spravazdačy ukazvajecca, što ŭkrainskija aficyjnyja asoby zajavili 10 lipienia, što siły abarony majuć ahniavy kantrol nad Bachmutam i rasijskimi naziemnymi linijami suviazi vakoł horada.
Jak ukrainskija, tak i rasijskija krynicy ŭ apošnija dni pakazvajuć na toje, što Ukraina zavajoŭvaje pazicyi ŭ rajonie Bachmuta i na jaho paŭdniova-zachodnich fłanhach, uklučajučy śpiecyfičnyja asablivaści reljefu, jakija mohuć dać ukrainskim siłam ahniavuju pieravahu.
Akramia taho, paviedamlajuć analityki, ukrainskija vojski 10 lipienia pravodzili kontrnastupnyja apieracyi prynamsi na troch učastkach frontu.
Z pačatku ŭkrainskaha kontrnastupu 4 červienia, pa padlikach ISW, zroblenym na asnovie ŭłasnych danych kantrolu miascovaści, ukrainskija vojski advajavali prykładna 253 kvadratnyja kiłamietry terytoryi. U ahladzie ŭdakładniajuć, što ŭkrainskija źviestki adroźnivajucca ad źviestak ISW z-za roznych padychodaŭ da padlikaŭ.
Takim čynam, adznačajuć ekśpierty, z 1 studzienia rasijskija vojski zachapili ahułam 282 kvadratnyja kiłamietry na ŭsioj terytoryi bajavych dziejańniaŭ.
Za 5 tydniaŭ ukrainskija siły vyzvalili amal stolki ž terytoryi, kolki rasiejskija vojski zachapili za 6 miesiacaŭ.
Čytajcie taksama: