Hałoŭnaje ŭpraŭleńnie raźviedki Minabarony Ukrainy paviedamiła padrabiaznaści zabojstva ŭ Krasnadary byłoha kamandzira padłodki «Krasnadar»
Ukrainskaja raźviedka nie ŭziała na siabie adkaznaść za zabojstva Stanisłava Ržyckaha, ale raskryła raniej nieviadomyja abstaviny.
11.07.2023 / 11:20
HUR paviedamiła, što Ržyckaha zabili kala šaści hadzin ranicy 10 lipienia, kali jon rabiŭ prabiežku ŭ parku.
Pa źviestkach HUR, u Ržyckaha siem razoŭ strelili ź pistaleta Makarava, jon pamior na miescy, a śviedkaŭ zabojstva nie było, bo išoŭ mocny doždž.
HUR śćviardžaje, što Ržycki ŭ jakaści kamandzira padvodnaj łodki byŭ datyčny da rakietnych abstrełaŭ Ukrainy.
Rasijskija telehram-kanały miarkujuć, što zabojca moh adsačyć rasijskaha vajskoŭca pa prahramie dla biehu, u jakoj jon publikavaŭ maršruty prabiežak.
Ukrainskija miedyja śćviardžajuć, što Ržycki moh być datyčny da rakietnaha ŭdaru pa Vińnicy 14 lipienia 2022 h., u vyniku jakoha zahinuli 27 čałaviek.