«Беларуская апазіцыя пераможа, гісторыя на яе баку» — прэм'ер Латвіі
Прэм’ер-міністр Латвіі Крыш’яніс Карыньш 11 ліпеня падчас саміту НАТА ў Вільні, адказваючы на пытанне карэспандэнта тэлеканала «Белсат», заявіў пра важнасць падтрымкі беларускай дэмакратычнай апазіцыі.
11.07.2023 / 16:56
Крыш'яніс Карыньш. Фота: AP Photo/Pavel Golovkin
«Я ўпэўнены, што ў рэшце апазіцыя пераможа. Гісторыя на яе баку. Мы проста павінны прайсці гэты кавалак часу разам», — заявіў Крыш’яныс Карыньш.
У той жа час прэзідэнт Польшчы Анджэй Дуда падчас саміту заявіў пра неабходнасць адмысловай дыскусіі адносна Беларусі. Неабходнасць абмеркаваць беларускае пытанне выкліканая планамі размясціць у Беларусі ядзерную зброю і наймітаў ПВК «Вагнер» з Расіі.
Паводле Дуды, краіны НАТА хочуць вольнай і незалежнай Беларусі і падтрымліваюць беларускае грамадства на гэтым шляху.
У сваю чаргу Святлана Ціханоўская заклікала стварыць кансультацыйную групу пры НАТА з удзелам беларускіх экспертаў і прадстаўнікоў, «бо вельмі часта могуць выносіцца рашэнні, якія не карэлююца з інтарэсамі беларусаў».
Чытайце таксама:
Прэзідэнт Літвы назваў Беларусь расійскай губерняй
Наўседа заклікаў NATO забыцца пра акт аб супрацоўніцтве з Расіяй і стварыць базы ля яе межаў