U Viciebsku zatrymali eks-bajca «Azova» pa mianušcy Teror-mašyna. Jon tolki niadaŭna vyjšaŭ z kałonii
Biełaruskija siłaviki zatrymali eks-bajca bataljona «Azoŭ» pa mianušcy Teror-mašyna, jon tolki dniami vyjšaŭ z-za krataŭ, bo byŭ asudžany da 7 hadoŭ źniavoleńnia.
12.07.2023 / 07:59
Sud u 2017 hodzie. Fota: Tut.by
U Biełarusi zatrymali byłoha bajca ŭkrainskaha bataljona «Azoŭ» Stanisłava Hančarova pa mianušcy Teror-mašyna. Videa ź im apublikavaŭ 11 lipienia nabližany da HUBAZiKa telehram-kanał.
Praŭładnyja krynicy adznačyli, što Hančaroŭ, «ledź paśpieŭšy vyzvalicca z turmy», byŭ zatrymany viciebskimi siłavikami, jak piša «Lusterka».
U sakaviku 2017 hoda Stanisłava asudzili na siem hadoŭ pazbaŭleńnia voli za złosnaje chulihanstva, raspalvańnie varožaści i rabavańnie.