«Chutkaść uražvaje» — prezident Jeŭrakamisii pra ruch Ukrainy da ES
Prezident Jeŭrapiejskaj kamisii Ursuła fon der Lajen ličyć, što Ukraina chutka dabjecca pośpiechu ŭ pracesie ŭstupleńnia ŭ Jeŭrapiejski sajuz, kali zachavaje ciapierašni temp reformaŭ.
12.07.2023 / 09:25
Ursuła fon der Lajen całujecca z Brydžyt Makron. Premjer Brytanii Ryšy Sunak (źleva) až pryŭźniaŭsia na dybački. Premjer-ministarka Estonii Kaja Kałas hladzić na Emanuela Makrona. Fota: Yves Herman, Pool Photo via AP
Pa prybyćci na samit NATA ŭ Vilni fon der Lajen adznačyła, što jak prezidentka Jeŭrakamisii nie moža kamientavać pytańnie siabroŭstva Ukrainy ŭ NATA, adnak adznačyła pośpiechi Kijeva na šlachu da siabroŭstva ŭ ES.
«Chutkaść, ź jakoj Ukraina ruchajecca na šlachu da siabroŭstva ŭ ES, uražvaje. Heta praces, zasnavany na zasłuhach, i entuzijazm i intensiŭnaść, ź jakimi Ukraina refarmujecca, chutka nabližajuć jaje da siabroŭstva ŭ ES. Ja ŭpeŭnienaja, što kali jany buduć praciahvać tak i dalej, kali zachavajuć chutkaść, pośpiech budzie chutka. Heta vydatny prykład taho, jak možna chutka pierajści da siabroŭstva ŭ ES, kali vy vykonvajecie nieabchodnyja patrabavańni», — piša «Ukranskaja praŭda».