Termin źniavoleńnia zasnavalnicy Theranos Elizabiet Chołms skaracili na dva hady. Ale siadzieć jašče dzieviać hadoŭ
Chołms byli vystaŭlenyja abvinavačvańni ŭ machlarstvie jašče ŭ 2018 hodzie, praź niekalki hadoŭ paśla taho, jak The Wall Street Journal apublikavaŭ sieryju repartažaŭ pra toje, što zapatentavanaja Theranos technałohija testavańnia kryvi «pa adbitkach palcaŭ» była niedakładnaj.
12.07.2023 / 10:49
Photo by Philip Pacheco/Getty Images
Zasnavalnica Theranos Elizabet Chołms moža vyjści z turmy prykładna na dva hady raniej, čym čakałasia. Tak, zhodna ź jaje profilem na sajcie Fiederalnaha biuro turmaŭ, data vyzvaleńnia Chołms ciapier zapłanavanaja na 29 śniežnia 2032 hoda, jak piša «Jeŭrapiejskaja praŭda».
Heta aznačaje, što termin, jaki jana budzie adbyvać, amal na dva hady karaciejšy za jaje pieršapačatkovy prysud, jaki pavinien byŭ doŭžycca 11 hadoŭ i try miesiacy.
Biuro paćvierdziła haziecie The Guardian skaračeńnie terminu źniavoleńnia da dzieviaci hadoŭ i siami miesiacaŭ, ale admoviłasia ad dalejšych kamientaroŭ, spasyłajučysia na pryvatnaść i biaśpieku źniavolenych.
Chołms byli vystaŭlenyja abvinavačvańni ŭ machlarstvie jašče ŭ 2018 hodzie, praź niekalki hadoŭ paśla taho, jak The Wall Street Journal apublikavaŭ sieryju repartažaŭ pra toje, što zapatentavanaja Theranos technałohija testavańnia kryvi «pa adbitkach palcaŭ» była niedakładnaj.
Vydańnie taksama paviedamlała, što kampanija viedała pra svaje prablemy, ale ŭsio roŭna dasyłała pacyjentam niedakładnyja vyniki testaŭ. U 2022 hodzie Chołms pryznali vinavataj u złoŭžyvańni słužbovym stanoviščam.
Čytajcie taksama:
Machlarstva sa startapam Theranos. Dla eks-miljarderšy Elizabiet Chołms patrabujuć 15 hadoŭ turmy
Elizabiet Chołms dali 11 hadoŭ turmy za maštabnaje machlarstva sa startapam Theranos