Цукерберг рыхтуецца да бою з Маскам. Ён правёў трэніроўку з чэмпіёнамі UFC
12.07.2023 / 11:38
Марк Цукерберг правёў трэніроўку з дзейнымі чэмпіёнамі UFC — новазеландцам Ісраэлем Адэсанья і аўстралійцам Аляксандрам Валканоўскі.
«Для мяне вялікі гонар трэніравацца з вамі, хлопцы!» — напісаў Цукерберг у інстаграме.
Пра магчымы паядынак Маска і Цукерберга па правілах ММА гаворыцца з канца чэрвеня.
Прычынай спрэчак паміж бізнэсменамі паслужыў выхад канкурэнта Twitter — Threads.
Маск заявіў, што Цукерберг паставіць чалавецтва пад свой «абцас». Карыстальнікі Twitter папярэдзілі Ілана, што Цукерберг займаецца джыу-джытсу. Маск адказаў, што «гатовы да бою ў клетцы».
Раней Маск правёў трэніроўку з сябрам Залы славы UFC і экс-чэмпіёнам у сярэдняй і паўсярэдняй вазе арганізацыі Жоржам Сен-П'ерам.
Фота: GeorgesStPierre / Ttwitter
Маці Маска заявіла, што «адмяніла» бой сына, але самі бізнэсмены пра адмену не заяўлялі.