Palitviazień u adnoj z kałonij nie moža ažanicca praz administracyju ŭstanovy
Chłopiec (imia nie nazyvajecca ŭ metach biaśpieki), jaki ciapier adbyvaje termin pa «palityčnyj» kryminalnaj spravie ŭ adnoj z papraŭčych kałonij, niekalki miesiacaŭ nie moža pabracca šlubam sa svajoj dziaŭčynaj, jak paviedamlaje «Viasna».
12.07.2023 / 11:47
Ilustracyjnaje fota
U krasaviku niaviesta zapoŭniła adpaviednuju zajavu ŭ ZAHS pa miescy prapiski, dasłała jaje ŭ kałoniju i stała čakać, pakul aformiać druhuju častku zajavy i dašluć znoŭ joj. Zajavu palitviaźnia, jakuju jon taksama pavinien byŭ dasłać na volu, nie prapuściŭ cenzar biez tłumačeńniaŭ. Tady dziaŭčynie ŭ śpiecaddziele skazali aformić zajavu ŭ ZAHS kala kałonii i adpravić va ŭstanovu. Ale cenzar znoŭ nie prapuściŭ — nibyta zajavy nielha dasyłać
Tady ŭ śpiecaddziele vykazali novuju viersiju: zajavy na šlub jość u kałonii, i źniavolenamu treba jaje paprasić, zapoŭnić, a supracoŭniki sami jaje adpraviać. Viazień tak i zrabiŭ u kancy maja, ale dziaŭčyna da hetaha času nie atrymała dakumienty.
U kałonii joj skazali, što zajavu nie mohuć dasłać, bo «jana nie blizki svajak asudžanaha». Pry hetym blizkija svajaki nie mohuć pabracca šlubam. Rodnyja chłopca ličać, što administracyja kałonii admysłova pieraškadžaje jamu ažanicca.