CT pa suśvietnaj historyi na 100 bałaŭ napisali 4 abituryjenty
Centralizavanaje testavańnie pa suśvietnaj historyi (najnoŭšy čas) na 100 bałaŭ napisali 4 abituryjenty. Pra heta BiełTA paviedamiŭ dyrektar Respublikanskaha instytuta kantrolu viedaŭ Juryj Miksiuk.
12.07.2023 / 13:51
Vyniki CT možna daviedacca na sajcie Respublikanskaha instytuta kantrolu viedaŭ. Siertyfikat udzielnik atrymaje ŭ punkcie, u jakim jon prachodziŭ CT, kali pakaža dakumient, jaki śviedčyć asobu i ź jakim abituryjent prachodziŭ testavańnie, a taksama dakumient ab adukacyi i propusk z adznakaj «testavańnie prajšoŭ». Propusk pry hetym zabiaruć.
U Biełarusi prachodzić reziervovy etap centralizavanaha testavańnia dla tych abituryjentaŭ, chto pa ŭvažlivych pryčynach nie zmoh zdać CT u asnoŭny pieryjad.
Pieršy reziervovy dzień praviadzieńnia centralizavanaha ekzamienu ŭžo prajšoŭ. Zaŭtra — 13 lipienia — adbudziecca CT pa biełaruskaj i ruskaj movach.
Jašče adzin reziervovy dzień projdzie 15 lipienia, u hety dzień abituryjenty zmohuć zdać usie astatnija pradmiety. Usiaho na reziervovy etap CT zarehistravalisia 569 abituryjentaŭ.