U Dziarždumie Rasii raskazali, kudy dzieŭsia Suravikin
Staršynia Kamiteta abarony rasijskaj Dziarždumy Andrej Kartapołaŭ zajaviŭ, što namieśnik kamandujučaha abjadnanaj hrupoŭkaj rasijskich vojskaŭ va Ukrainie Siarhiej Suravikin ciapier adpačyvaje. Adnak nie ŭdakładniŭšy, dzie kankretna.
12.07.2023 / 15:24
Siarhiej Suravikin. Fota: AP
«Jon [Suravikin] adpačyvaje ciapier pakul. Niedastupny», — skazaŭ Kartapołaŭ.
Pry hetym kiraŭnik kamiteta zajaviŭ, što sam nie kantaktuje z hienierałam, jaki źnik z publičnaj prastory. Jon taksama nie ŭdakładniŭ, dzie kankretna moža adpačyvać Suravikin, jak piša «Mieduza».
U paniadziełak Ministerstva abarony Rasii pakazała videa, na jakim byŭ pakazany načalnik Hienštaba Uzbrojenych sił Rasii Valeryj Hierasimaŭ, jaki ŭpieršyniu paśla buntu hrupy «Vahnier» źjaviŭsia ŭ efiry. Jon zasłuchaŭ dakład načalnika štaba Pavietrana-kaśmičnych sił Rasii Viktara Afzałava, a nie samoha Suravikina.
Źniknieńnie Suravikina paradziła mnostva čutak nakont jaho losu.