Abjadnany pierachodny kabiniet paśmiarotna ŭznaharodziŭ Alesia Puškina miedalom «Honar i hodnaść»
Miedalom «Honar i hodnaść» ad imia biełaruskaha naroda adznačajucca asoby, jakija prajavili vyklučnuju addanaść u słužeńni Biełarusi.
13.07.2023 / 09:32
Fota: APK
Jak adznačajecca ŭ pastanovie, Aleś Mikałajevič Puškin — viadomy biełaruski žyvapisiec-nonkanfarmist, vybitny biełaruski patryjot z vyraznaj hramadzianskaj pazicyjaj, čałaviek niaskoranaha duchu, «jaki ŭsio svajo žyćcio addaŭ Radzimie i biełaruskaj movie» i jaki «straciŭ žyćcio, budučy zakładnikam režymu padčas źniavoleńnia ŭ turmie».
Aleś Puškin pamior 11 lipienia na 58-m hodzie žyćcia ŭ reanimacyi hrodzienskaj balnicy.
Jak stała viadoma, u jaho była prabadnaja jazva, jamu svoječasova nie dapamahli ŭ turmie.
Puškina zatrymali 30 sakavika 2021 hoda i praz hod asudzili na piać hadoŭ kałonii pa abvinavačvańni ŭ ździeku ź dziaržaŭnych simvałaŭ (artykuł 370 KK) i raspalvańni varožaści (častka 3 artykuła 130 KK). Spačatku pakarańnie adbyvaŭ u ivacevickaj kałonii, a potym byŭ pieraviedzieny na turemny režym u Hrodnie.
U jaho zastalisia čaćviora dziaciej.
Siońnia ŭ Babry prachodzić raźvitańnie z mastakom.
A 10-j u dvary doma pa vuł. Hornaja, 4 pačniecca raźvitańnie. Potym panichida ŭ 12:30. Pachavańnie ŭ 13:30.