Psichijatryčnaja ekśpiertyza nad Palinaj Šarendaj-Panasiuk nie adbyłasia
Jak stała viadoma rodnym, u Respublikanskim centry psichičnaha zdaroŭja «Navinki» palitźniavolenaja Palina Šarenda-Panasiuk admoviłasia ad ekśpiertyzy — jana nie razmaŭlała z daktarami, admoviłasia prymać lubyja leki, a taksama admoviłasia zdavać lubyja vidy analizaŭ.
13.07.2023 / 14:25
Palina Šarenda-Panasiuk. Fota: sacyjalnyja sietki
U vyniku Palinu terminova, śpiecyjalnym etapam, adpravili na «Vaładarku» i litaralna praź niekalki hadzin ź SIZA-1 jaje adpravili nazad u kałoniju №1 u Rečycy.
Tam nad joju «visić» novaja kryminalnaja sprava pa tym ža art. 411 KK — «złosnaje niepadparadkavańnie administracyi kałonii». Pavodle muža Paliny Andreja Šarendy, sa spravaj śpiašajucca, bo 6 žniŭnia skančvajecca termin źniavoleńnia Paliny.
Padtrymajcie palitźniavolenuju: PK №24, 247526, Vytvorčaja, 44, h. p. Zarečča, Rečycki rajon, Homielskaja vobłaść, Palina Siarhiejeŭna Šarenda-Panasiuk
***
Palinu Šarendu-Panasiuk zatrymali na pačatku studzienia 2021 hoda i asudzili na dva hady pazbaŭleńnia voli, abvinavaciŭšy va ŭžyvańni hvałtu ŭ dačynieńni da milicyjantaŭ i ich abrazie, a taksama ŭ abrazie Alaksandra Łukašenki. Na volu jana pavinna była vyjści letam.
Ale ŭ minułym hodzie jaje asudzili pa art. 411 KK da jašče adnaho hoda kałonii. U krasaviku 2023 hoda suprać žančyny zaviali ŭžo novuju spravu — za «złosnaje niepadparadkavańnie administracyi kałonii».
Čytajcie taksama:
Palitźniavolenuju Palinu Šarendu-Panasiuk vieźli z kałonii ŭ SIZA na Vaładarskaha 18 sutak
Palinu Šarenda-Panasiuk praciahvajuć utrymlivać u karcary. Za hod jana praviała tam 200 sutak
Palitźniavolenuju Šarenda-Panasiuk za dva z pałovaj miesiacy čaćviorty raz upiakli ŭ ŠIZA